Azkoitiko Xabier Munibe ikastolako antzerki eskolan dabiltzan ikasleen 31. Antzerki Topaketak izan dira gaur, 11:00etan hasita, Baztartxo antzokian. Aktore txikiek ikasturtean zehar sortu dituzten antzezlanak jendaurreratu dituzte.
Atzo, ikastolako ikasleei zuzendutako emanaldia egin zuten, eta gaurkoan, berriz, herritarrentzako antzeztu dute. Lau antzezlan egin dituzte: Handitzen, handitzen..., Nork nahi du gure bitxia?, Hiru desirak eta Bizi ez lagunak.