Joan den astean Lehen Mailara igotzea lortu ondoren, asteburu honetan denboraldiari ginga jartzeko aukera izango du Tta-kun areto futbol taldeak. Izan ere, 2023-2024 Gipuzkoako liga txapelketen irabazleak erabakitzeko finalak jokatuko dituzte etzi, zapatua, Oñatiko Zubikoa kiroldegian, eta Azkoitiko taldeak Bigarren Mailako txapela bereganatzeko aukera izango du han.
Donostiako Makax taldearen kontra jokatuko du Tta-kunek Gipuzkoako Bigarren Mailako titulua nork irabazi erabakitzeko partida eta 16:00etan hasiko da finala.