Israelgo Estatuaren sorreraren 78. urteurrenean, ehunka mila palestinarren exodoa gogora ekartzen duen Nakba egunaren harira mobilizazio ugari egiten ari dira egunotan, eta Azkoitian maiatzeko Isilune Zirkulua baliatu dute herritarrek Israel Gazan egiten ari den sarraskia salatzeko.
Hileko hirugarren ostegunero bezala, Isilune Zirkulua egin zuten atzo iluntzean herriko plazan, eta, eta herritar ugarik egin zuten bat elkarretaratzearekin, Palestinari elkartasuna, genozidioa gelditu! lelopean. Ohi bezala, plazan elkartu zirenek zirkuluan birak eman zituzten, isilik. Atzo, ordea, inguruko kaleetara zabaldu zuten mobilizazioa, eta Balda plazaraino joan ziren herritarrak, handik berriro plazara itzultzeko.