Joan den astean abiatu zen Oteiza pilota elkartearen 52. Azkoitiko Txikito Pilota Txapelketa. Aurrebenjamin, Benjamin A, Benjamin B, Alebin A eta Alebin B mailetan binakako pilota txapelketak jokatuko dituzte datozen asteetan Gurea pilotalekuan. Iaz bezala, parte hartzaileek banaka eman dute txapelketarako izena, eta Oteiza elkartekoak beraiek arduratu dira bikoteak osatzeaz. Hain zuzen, Oteiza elkarteko 66 neska-mutilek eman dute izena, eta 33 bikote osatu dituzte.
Gainerako mailetako pilotariek aste honetako partidak jada jokatu dituzten arren, gaur Benjamin B taldekoen txanda izango da. Hona hemen gaurko partidak:
Gaur, 17:15ean hasita:
- Julen Oteiza eta Aiur Romero - Marat Aramendi eta Eritz Zabaleta
- Eki Elorza eta Nahia Astigarraga - Amets Lete eta Aner Caballero
- Aner Zabaleta eta Denis Aranguren - Mikel Rodriguez eta Intza Orozko