Bi autoren arteko istripua izan da gaur, osteguna, Azkarateko mendatean. 08:05ean gertatu da istripua GI-2634 errepidean, Elgoibarren (Gipuzkoa) Azkoitirako noranzkoan.
Ertzaintzak hedabide honi baieztatu dio bi zauritu izan direla, eta Mendaroko ospitalera eraman dituzte. Istripua jazo den gunean dira Larrialdi Zerbitzuetako unitateak, hala nola Ertzaintza, anbulantziak eta suhiltzaileak.
Ordu honetan, pasoa txandaka ari dira ematen eta zirkulazioa oso motela da.