Urrestillako Olaldek eta Aiako Erreistak idi apustua jokatuko dute larunbatean Gurea probalekuan, 22:00etan hasita. Ipintza harria erabiliko dute, eta 4.000 euro izango dituzte jokoan. Olalde I. Urrutia eta Ander Olalde itzainekin arituko da; Erreista, aldiz, Tubilla anaiekin.
Antolatzaileek jakinarazi dute probaren iraupena ordu erdi ingurukoa izango dela eta Gipuzkoako Herri Kirol Federazioak kontrolatuko duela. Larunbatean, 10:00etan egingo dituzte pisaketak: idiek 1.140 kilo pisatu beharko dute, eta pisu horretatik aurrera, kilo bakoitzeko kilo eta erdiko gainkarga ezarriko diete animaliei.