Udaberriko Musikaldiaren 32. edizioak Bach & "Bach" taldea ekarri zuen atzo, larunbatez, Santa Kutz komentura. Johann Sebastian Bachen abestiak oinarri hartuta, musika barrokotik doinu garaikideetara eman zuen jauzia taldeak kontzertuan, besteak beste, jazzera. "Maitasun handiko kontzertua" eskaini zuten Antonio Serrano, Daniel Oiarzabal eta Pablo Martin Caminero taldeko musikariek.
Datorren larunbatean eskainiko dute zikloaren barruko hirugarren kontzertua, Euskadiko Orkestrako kide diren Laura Balboak, Larraitz Oiartzabalek, Maite Abasolok eta Gabriel Mesadok. Laurek Xarma Laukotea osatzen dute, eta Manuel Canalesen zein Franz Schuberten piezak taularatuko dituzte horiek, 18:30ean hasita.
