Joan den ostiralean ekin zion Azkoitiak Gipuzkoako Herriarteko Pilota Txapelketari. Adunaren aurka joaneko partidak jokatu zituzten, eta 2 eta 1 nagusitu ziren azkoitiarrak. Kadeteetan, Adunako Cestauren eta Aburuzaren kontra abantaila handiarekin irabazi zuten Azkoitiko Etxaniz eta Arregi pilotariek, 2-22 eginda. Jubeniletan, aldiz, Adunako Iparragirre eta Cestau 22-13 nagusi izan ziren Azkoitiko Aldazabalen eta Egañaren aurka. Nagusietan ere alde dezentearekin irabazi zuten Azkoitiko Juaristik eta Juaristik Adunako Aburuzaren eta Olasagastiren kontra, 5-22 eginda.
Gaur, 22:00etan hasita jokatuko dituzte Gurea pilotalekuan Adunaren aurkako itzuliko partidak. Adunaren aurkako kanporaketa gaindituz gero, hurrengo jardunaldian Astigarraga edo Hernani izango lukete aurkari pilotari azkoitiarrek.