Azkoitia Bai herri plataformak antolatuta, Politika egiteko beste modu bat solasaldia eskainiko dute gaur, asteazkena, Aulki Zuriak eta Izan Auzokrazia mugimendu eta talde politikoetako kideek.
Antolatzaileen arabera, hara bertaratzen direnek "politika ezberdinak" ezagutuko dituzte, eta hauteskundeetako abstentzio "maila altuen zergatia eta garrantzia" azalduko dute Izan Auzokraziako Patxi Alañak eta Aulki Zuriakeko Luis Mari Ormaetxeak. Era berean, Azkoitia Baiko bozeramaile Jose Joakin Etxanizek ere parte hartuko du saioan. 18:00etan izango da hitzaldia, Elkarguneko Herriko Plaza aretoan.