Gipuzkoako Kirol Egokituen Federazioak eta Gipuzkoako Pilota Federazioak antolatuta, Gipuzkoako XIV. Pilota Egokituko Binakako Txapelketako jardunaldia jokatu dute goizean zehar Gurea pilotalekuan, eta guztira, zazpi norgehiagoka jokatu dituzte. Kirolariak teniseko paletarekin aritu dira horretan, han elkartutakoen animopean.
Txapelketaren helburua da kirola eta inklusioa bateratzea eta sustatzea, "errespetua, berdintasuna eta aniztasuna oinarri hartuta”. Binakako finalak maiatzaren 18an jokatuko dituzte Donostiako Atano III. pilotalekuan.