Baserritarren protestak eta traktoradak. Zer dago mobilizazioen oinarrian? izenburupean, baserritarrek bizitakoen nondik norakoak eta protesten zein traktoraden zergatiak azaldu zituzten atzo arratsaldean Xabier Iraola ENBA Euskal Nekazarien Batasuneko koordinatzaileak eta Aritz Eizagirre Xarrondo baserriko esne ekoizleak. Hedabideetan bolo-bolo dabilen gaiaren inguruan euren ikuspegia lehen pertsonan azaldu zuten Iraolak eta Eizagirrek Elkargunean, eta bertaratu zirenek adi-adi entzun zituzten bien azalpenak.
Ingurumen Mahaiak antolatutako Trebakuntza eta Hausnarketa Saioen baitan egin zuten jardunaldietako bat izan zen atzokoa.