23. Korrika Azkoitira heltzear da. Biharko 05:24ean Txerloiko bihurgunera iristea aurreikusten du AEK-k, eta euskararen aldeko ekimen koloretsuaren atarian, herriko ikastetxeetako ikasleek Korrika Txikia egin dute gaur arratsaldean herriko kaleetan zehar. Xabier Munibe Ikastolako, Bizilore Eskola Aktiboko eta Floreaga Ikastetxeko ikasleek, irakasleek zein eskoletako ordezkariek bat egin dute euskararen aldeko Harro herri aldarriarekin.