Udalak hasia du aurtengo aurrekontuetan txertatzeko 100.000 euro zertara bideratu herritarrekin erabakitzeko prozesua, eta atzo arratsaldean bigarren bilera egin zuten. Hainbat herritar elkartu ziren Elkargunean egin zuten bigarren saioan, eta esku artean dituzten proposamenak zehaztu nahian aritu ziren, udal teknikariek ordura arte jasotako ekarpenak kontrastatu ondoren.
Hasiera batean, herritarren proposamen guztietatik bost erabakitzekoak ziren atzo, hurrengo hilean horietatik hiru aukeratzeko. Dena den, udalak aldatu egin du prozesuaren planteamendua, eta egitasmoan parte hartzen ari den taldea gaur-gaurkoz 10-12 egitasmoren gainean lanean ari dela azaldu du. Dena den, proiektu oraindik guztiz zehaztu gabe daudela azaldu du erakundeak.