50. urteurreneko ospakizunen barruan, klubaren historian esanguratsuak izan diren pertsonak eta taldeak omentzen dihardu Iraurgi saskibaloi elkarteak talde nagusiek etxean jokatzen dituzten partidetan. Larunbat honetan, 2013-2014 denboraldian, kadeteetan Espainiako txapeldunorde izan zen Gerdau Azkoitia ISB emakumeen taldea omenduko dute. Ondorengoak izan ziren taldekideak: Laura Olaizola, Eneritz Larrañaga, Oihane Aizpurua, Maria Beobide, Eider Larrañaga, Miren Bastida, Larraitz Larrañaga, Maialen Arzallus, Izaro Lizundia, Maitane Dominguez, Inge Bastida, Amaia Loiola, Leire Agirretxe eta Naroa Martinez jokalariak; eta Anne Berasategi, Eneko Artola eta Luis Agirre entrenatzaileak.
Zapatuan jokatuko du LF2 mailako Domusa Teknik ISBk Ibaizabalen aurkako partida, 17:00etan, Azkoitiko kiroldegian.