Azken egunetako euriteak bi lur-jausi eragin ditu Azkoitia eta Zumarraga lotzen dituen GI-631 errepidean, baina garbiketa lanak eginda, irekita dago errepidea.
Atzo, 10:00etan gertatu zen luizia GI-631ren 31. kilometroan, eta lurrak bidearen zati bat oztopatzen zuenez, egunean zehar itxita egongo zen errepidea. Bart, berriz, beste lur-jausi bat izan da errepide horretan bertan, baina hango garbiketa lanak ere amaitu dituzte.
Horrez gain, lur-jausiak izan ziren Martirietako Amusategi eta Aizpurutxoko Attube baserrietarako bideetan ere. Garbiketa lanak amaitu bitartean itxita egon ziren bi bideak.
