Miren Amuriza idazle eta bertsolariaren Basa (Elkar) liburua izango du aztergai Azkoitiko Irakurle Taldeak hurrengo saioan. Martxoaren 5ean elkartuko dira, 19:00etan, Elkarguneko Zeharkako aretoan. Miren Amuriza bera ere saioan izango da, bertaratzen diren herritarrekin batera liburuaz hitz egiteko. Ohi bezala, Iñigo Aranbarri idazle azkoitiarrak egingo ditu dinamizatzaile lanak.
Azkoitiko Irakurle Taldean parte hartzeko edota egitasmoaren inguruko informazio gehiago jasotzeko, azkoitikoirakurletaldea@gmail.com helbidera idatz dezakete herritarrek.