Azkoitiko, Azpeitiko eta Zestoako gazte asanbladetako kideak elkartu ziren atzo Azkoitian, Urola Erdiko Gazte Asanbladen Topaketan. Kontzejupean egin zituzten egun osorako antolatutako ekintza gehienak. 11:00etan hasita mahai ingurua egin zuten, eta gaztetxeen egoeraz, egitekoaz eta gazte asanbladek dituzten erronkez eta borrokez hitz egin zuten hiru herrietako gazte asanbladetako kideek. Hitzaldia bukatu ondoren, triki-bertso poteoa egin zuten, eta gero, bazkaltzeko elkartu ziren.
Bazkalondoan, berriz, hiru gazte asanbladetako kideen arteko pilota partidak izan zituzten, eta bukatzeko, Labankada eta Rekiem taldeen kontzertuak izan ziren.
