San Jose egoitzako langileek elkarretaratzea egingo dute ostiralean, bizi duten egoera "prekarioa" salatzeko. 17:15ean elkartuko dira, eliz atarian.
Langileek jakitera eman dutenez, egoitza kudeatzen duen Biharko enpresak lanaldi osoko bi lanpostu kendu nahi dizkie. Horrek zerbitzuaren kalitatea "guztiz kolpatuko" duela salatu dute. Bestetik, zaintzaren kalitatea "gero eta okerragoa" dela adierazi dute, eta hori lan baldintza "kaskarrak" dituztelako gertatzen dela ondorioztatu dute langileek.
Horrenbestez, San Jose egoitzan murrizketarik ez! lelopean, kontzentraziorako deia luzatu dute.