Zapatuan, abenduak 23, Pirritx, Porrotx eta Marimotots pailazoek Ez gara jaitsiko! ikuskizuna eskainiko dute Baztartxo Antzokian. Bi emanalditan aurkeztuko dute pailazoek azken lana; 16:00etan izango da lehen saioa, eta 18:30ean bigarrena. Maxixatzenek udalak emandako bi sarrera bikoitz zozkatuko ditu bazkideen artean. Irabazleetako batek 16:00etako emanaldirako sarrerak eskuratuko ditu, eta besteak 18:30erako.
Sarreren zozketan parte hartu nahi duten bazkideek osteguneko 12:00etara arteko epea izango dute. Zozketan parte hartzeko, honako lotura honetan eman daiteke izena, edota 943-56 01 64 telefonora deituta. Horrela egiten dutenek NA zenbakia eta zozketaren kodea tekleatu beharko dituzte. Kasu honetan, zozketaren kodea 40 da.
Irabazleak ostiralean jakinaraziko ditu Maxixatzenek.