Pirritx, Porrotx eta Marimototsek Ez gara jaitsiko! ikuskizuna eskainiko dute abenduaren 23an, larunbata, Azkoitian. Bi emanaldi egingo dituzte egun horretan Baztartxon, 16:00etan bata eta 18:30ean bestea, eta bietarako sarrerak bihar jarriko dituzte salgai.
Interneten jarriko dituzte sarrerak salgai, bihar, astelehena, 10:00etatik aurrera, Azkoitiko Udalaren webgunean zein Entradium atarian. Sarrerak 6 eurotan salduko dituzte, eta erabiltzaile bakoitzak aldiko gehienez sei txartel erosteko aukera izango du.
