Ostiralean eta atzo iluntzean jokatu ziren San Andres Kintopeko Idi Dema Sariko bi jardunaldiak Azkoitiko Gurea probalekuan. Ostiraleko saioan, Kamiñokoren idiek egin zuten lan onena 52 plaza eta 3,13 metro eginda. Atzoko jardunaldian, Soarteren, Iñaki Lopategiren eta Zornotzaren idiak lehiatu ziren Gurean. Eta proba jokatzen azkena izan zen Zornotzaren idiak izan ziren plaza gehien egitea lortu zutenak, 53 plaza osatuta. Ondorioz, txapela eta mantak eskuratu zituen Zallako (Bizkaia) Zornotza probalariak.
Hona gelditu da Azkoitiko San Andres Idi Dema Sariko sailkapena:
1- Zornotza: 53 plaza.
2- Kamiñoko: 52 plaza eta 3,13 metro.
3- Soarte: 52 plaza eta 2,17 metro.
4- Oliden: 49 plaza, 4 zinta eta 3,24 metro.
5- Iñaki Lopategi: 49 plaza.
6- Lekanda: 40 plaza.
7- Asador Iruña: 35 plaza.
(Argazkiak: Ibon Errazu)