Indarkeria Matxistaren Kontrako Eguna dela eta, Itaiak 12:30ean plazan elkartzeko hitzordua jarria zuen, eta dozenaka izan dira bertaratu direnak; gehien-gehienak, gazteak. Indarkeria matxistari aurre egiteko, antolatu! zioen pankartaren atzean, orduerdi inguruko elkarretaratzea egin dute, eta indarkeria matxista gaitzesteko mezuak eta emakumeenganako indarkeriari aurre egiteko borrokara batzearen aldeko aldarriak ozen oihukatu dituzte.
