Glu Glu konpainiaren Loti Ederrak, filtrorik gabeko ipuina antzezlana ikusteko aukera izango da larunbat arratsaldean Baztartxo antzokian, 18:00etan hasita. Haurrei zuzendutako antzezlana da oholtzaratuko dutena. Sarrerak eskuragarri daude Entradium atarian, lau eurotan.
"Bertsio berri honen gai nagusia gazte eta umeentzako obsesio bihurtutako edertasun kanonen arriskua da. Fisikoarekiko kezkak gero eta gehiago baldintzatzen du haurtzaroko eta nerabezaroko bizimodu osasuntsua eta, gainera, diskriminaziorako erabili ohi da", dio obraren aurrerapen testuak. Galder Perezek idatzitakoa da antzerkiaren testua, eta Ugaitz Alegriak zuzendu du obra.