Palestinako herriari babesa adierazteko eta haren askatasuna aldarrikatzeko, elkarretaratzea deitu dute hainbat herritarrek ostiralerako. Plazan elkartuko dira, 19:00etan, eta herritar guztiei dei egin die Palestina askatu! lelopean egingo duten mobilizazioan parte hartzera.
Hamasek asteburuan Israelen egin dituen erasoen ondotik, Israelek gerra deklaratu dio Gazari. Gaur-gaurkoz, erabat blokeatuta dago Gaza, eta Israel etengabe bonbardatzen ari da eremua.