Elkargunean helduentzako ordainpeko kirol jarduerak eta ikastaroak prestatu dituzte ikasturteko lehen hiruhilekoan gauzatzeko, eta izen-emate epea zabalik dago jada. Igeriketa, aquagym, zumba, yoga, eskalada, pilates, cycling, aerobik, total trainning eta hirugarren adinekoentzako kirol jarduerak egingo dituzte aurten, multikirol eta kirol egokituko jarduerekin batera. Kirolaz gain, ordea, marrazketa, sukaldaritza, argazkilaritza, mindfulnes eta joste ikastaroak ere eskainiko dituzte.
Irailaren 18tik abenduaren 23ra bitartean eskainiko dituzte jarduera eta ikastaro horiek guztiak. Elkarguneak jakinarazi du hilaren 10era bitartean egongo dela jarduera horietan guztietan izena emateko aukera. Horretarako, Elkargunearen webgunean jarriko duten formularioa bete beharko da edota Elkarguneko harreran izena eman.