Abuztuan indargabetuta egon den arren, ostiralean, irailaren 1ean, TAO sistema berrezarriko du Azkoitiko Udalak. Herriko bi gunetan dago sistema: bata Plazaberrin, eta bestea, Floreaga jauregiaren aurreko aparkalekuan. Ostiraletik aurrera, beraz, bi gune horietan aparkatzeko TAOaren txartela atera beharko da astelehenetik ostiralera bitartean.
09:00etatik 13:00etara nahiz 16:00etatik 20:00etara jarri beharko zaie TAOaren txartela bi gune horietan aparkatutako ibilgailuei. Hala eta guztiz ere, ordu muga desberdinak dituzte bi aparkalekuek; izan ere, Floreaga jauregiaren aurreko aparkalekuan gehienez ere lau orduz eduki daitezke ibilgailuak TAOaren papera jarri eta doan aparkatuta, eta Plazaberrin, berriz, ordu eta erdian.