Irailaren 16an izango da aurtengo Mangaixue mendi bizikleta martxa, eta oraindik zabalik da izen ematea. Rockthesport webgunean eman daiteke izena gaur-gaurkoz, hogei euro ordainduta, baina irailaren 1etik 12ra Azkoitiko Uhaitz kafetegian ere eman ahal izango da izena.
Irailaren 16koa Mangaixueren bosgarren edizioa izango da, eta 15:15ean hasiko da martxa. Parte hartzaileek bi ibilbide izango dituzte aukeran: luzea, 33 kilometrokoa; eta motza, 25 kilometrokoa.