Gaur eta etzi, astelehena, XIII. Diva-Sat idi dema saria jokatuko dute Gurea pilotalekuko probalekuan. Denera sei idi pare ariko dira nor baino nor, hiruna jardunaldi bakoitzean.
Gaurkoan, Igeldoren parea, Mendigoitirena eta Billabasorena aterako dira plazara, 22:00etatik aurrera. Astelehenean, berriz, Lopategiren, Txinloren eta Kamiñokoren idi pareen txanda izango da. Etziko jardunaldia ere gaurkoaren ordu berean hasiko da; 22:00etan, alegia.