Plaza jendez leporaino zela, 12:00etako kanpaiak entzun dira aurrena, karilloi erlojuak Ondo pasau andremaixek pieza jo du gero, eta Azkoitiko danborradako hiru beteranok –Justino Sasieta, Ana Etxaniz eta Xanti Artetxe– suziria jaurti dute azkenik; horrelaxe eman diete hasiera aurtengo andremariei. Azkoitiarrek bost egun eta bost gau dituzte herriko jaiez gozatzeko, eta horretarakoxe deia egin du Ana Azkoitia alkateak ere.