Umeen barraka eguna izango da etzi, zapatua, eta ondorioz, gaztetxoek prezio merkeagoetan ibili ahal izango dute tiobiboetan egun osoan zehar. Hain zuzen ere, 11:00etatik 00:00etara bitartean izango dute barrakez euro eta erdiren trukean gozatzeko aukera herritarrek.
Festetako egunetan, hau da, abuztuaren 14tik 18ra bitartean, 11:00etatik 02:00etara arte egongo dira zabalik barrakak. Aldiz, tiobiboak herrian diren gainerako egunetan 11:00etatik 00:00etara irekiko dituzte.
Dagoeneko hasi dira barrakak herrira iristen, eta datozen orduetan gehiago muntatuko dituzte Trenbidearen Zumardian, Aizkibel liburutegiaren ondoan.
