Jakinarazi dituzte Espainiako Gorteetarako hauteskundeetako arratsaldeko seirak arteko parte hartze datuak. Espainiako Barne Ministerioak emandako datuen arabera, Azkoitian, 8,97 puntu jaitsi da 18:00ak arteko parte hartze datua, 2019ko azaroko hauteskundeetako datuekin alderatuta. Boza ematera deituta dauden herritarren %49,29 izan dira hauteslekueetan, hau da, 4.182 herritar. 2019ko azaroko bozetan, aldiz, 18:00etarako 4.950 pertsonek zuten botoa emanda, deitutako herritarren %58,26k. Dena den, Maxixatzenek ez du posta bidez botoa eman duten herritar kopuruaren inguruko daturik.
Gipuzkoan ere behera egin du parte hartzeak, baina modu apalagoan; izan ere, 4 puntu egin du behera datuak, eta, horrenbestez, Gipuzkoako hautesleen %52,81 eman dute botoa 18:00etara bitartean. 2019ko azaroan, %56,91k eman zuten boza ordu horretarako.