Jakinarazi dituzte Espainiako Gorteetarako hauteskundeetako eguerdiko (14:00) parte hartze datuak. Espainiako Barne Ministerioak emandako datuen arabera, Azkoitian, 3,90 puntu jaitsi da eguerdira arteko parte hartze datua, 2019ko datuekin alderatuta. Boza ematera deituta dauden herritarren %38,16 izan dira hauteslekuetan, hau da, 3.238 herritar. 2019an, aldiz, 14:00etarako 3.559 pertsonek eman zuten boza, deitutako herritarren %42,06k. Dena den, Maxixatzenek ez du posta bidez botoa eman duten herritar kopuruaren inguruko daturik.
Gipuzkoan ere behera egin du parte hartzeak, baina modu apalagoan; izan ere, 1,28 puntu egin du behera datuak, eta, horrenbestez, gipuzkoarren %38,63k eman dute botoa 14:00etara bitartean. 2019an, %39,91ek eman zuten boza ordu horretarako.
Hurrengo parte hartze datua 18:00etan emango du Espainiako Barne Ministerioak.