Jone Zabaleta korrikalari azkoitiarrak Markina-Xemeingo (Bizkaia) Karmen Krossa irabazi zuen herenegun, zapatua. Atletico San Sebastian taldeko kideak 27:11 denbora egin zuen Zabaletak 7,8 kilometroko ibilbidea osatzeko. Idoia Nogales sailkatu zen bigarren, eta hari ia hiru minutu eskaseko tartea atera zion helmugan (30:02). Izaskun Arriaga izan zen hirugarrena, eta hark 33:28 denboran amaitu zuen proba.
