Dagoeneko ikus daitezke uztailaren 23an egingo diren Espainiako Gorteen hauteskundeetarako hautesmahaien zozketaren emaitzak. Udalak atzo, astelehena, 09:00etan egin zuen ezohiko udalbatzarra zozketa egiteko. Hain zuzen, herritarrek udalaren webgunean kontsulta dezakete bozetan mahaikide izatea egokitu al zaien, eskuinaldean dagoen leihoan klik eginda.
Lotura horretan sartu, NA zenbakia sartu, eta sistemak erantzungo die herritarrei mahaian egotea egokitu zaien ala ez. Erantzuna baiezkoa bada, hauteskunde mahaiaren inguruko informazioa emango dio webguneak erabiltzaileari. Halaber, mahaian egon behar dutenek etxean jasoko dute udalaren jakinarazpen ofiziala.