Floreaga Ikastetxeak ikasturte amaierako jaialdia egin zuen atzo, osteguna, Gurea pilotalekuan. Egun berezia izan zen ikastetxearentzat atzokoa; izan ere, lau urteren ondoren egin zuten ikasturtea agurtzeko jaialdia. HHtik DBH1era arteko ikasleek eta guraso talde batek parte hartu zuten ikuskizun koloretsuan.
Atzo, nazioartean ezagunak egin diren filmen inguruko jaialdia eskaini zuten haurrek. Filmetako protagonisten itxura hartu zuten gaztetxoek, eta musikak lagunduta, dantza eta koreografia sorta ederra eskaini zieten pilotalekuko harmailak bete zituzten gurasoei nahiz etxekoei.
(Argazkiak: Floreaga Ikastetxea)