Etzi, zapatua, Uhin musika elektroniko, esperimental eta arte nahiz kultura garaikideari buruzko fanzine auto-kudeatua aurkeztuko dute Matadeixen. 19:30ean hasiko da ekitaldia aurkezpenarekin, eta segidan, zuzeneko musika emanaldiak izango dira areto nagusian.
Aurkezpenari ekiteko, Uhin fanzinearen bosgarren zenbakiari buruzko sarrera bat egingo dute, eta segidan, Tzesne musikariari elkarrizketa egingo diote. Hori amaitu orduko, hitzaldia eta eztabaida izango dira aretoan. Afalostean, Wild, Triames eta Fliessgewässer taldeen emanaldiak izango dira Matadeiko oholtzan.
Ekitaldia zuzenean jarraitu nahi dutenek 7 euro ordaindu beharko dute sarrera.