Jakinarazi dituzte arratsaldeko parte hartze datuak ere, eta behera egin du parte hartzeak. Espainiako Barne Ministerioak emandako datuen arabera, herritarren %50,4 joan da boza ematera, eta, horrenbestez, 5,34 puntu jaitsi da parte hartzea Azkoitian 2019ko datuekin alderatuta. Guztira, 4.280 herritar joan da hauteslekuetara 18:00rak bitarte. 2019an, ordu bereko parte hartze datuen arabera, 4.742 herritarrek eman zuten boza, hau da, %55,74ak.
Gipuzkoan ere behera egin du parte hartzeak. Zehazki, herritarren %48,54 joan da udal hauteskundeetan boza ematera, 2019an baino 4,8 puntu gutxiago.