Azkoitiko Udalak eta Azkoitia Lagunkoiak elkarlanean antolatuta, Zaintzaren harira hizketan hitzaldia eskainiko dute etzi, asteartea, Elkarguneko Herriko Plaza aretoan. 18:30ean hasiko da saioa, eta irekia izango da herritar ororentzat.
Felix Arrieta Deustuko Unibertsitateko irakaslea eta Zaintzaren hariak liburuaren egilea, Juan Ramon Alberdi nahiz Xabier Euzkitze herritarrak eta Bakarne Etxeberria Hurkoa fundazioko Hauskor programaren koordinatzailea arituko dira zaintzaren gaiari buruz solasean. Hitzaldia Txema Urrutiak bideratuko du.