Etzi, larunbata, eskubaloi partidak ikusteko aukera izango da Elkarguneko kantxa nagusian. Zumarragako (Gipuzkoa) Urola eskubaloi klubeko bi talderen partidak izango dira han, bata goizez, eta bestea, arratsaldez.
11:00etan, Urolaren gizonen gazte mailako taldeak Hernaniren aurka neurtuko ditu indarrak. 16:00etan, berriz, Urolaren emakumeen senior mailako taldeak Aiala Zarautzen aurka jokatuko du partida. Azkoitiko Munoaundi nahiz Zumarragako (Gipuzkoa) Urola eskubaloi kluben eta Azkoitiko Udalaren arteko elkarlanaren ondoren jokatuko dituzte partidak Azkoitian.