Ekainaren 10ean ospatuko dute aurtengo Pilotari Eguna. Hala jakinarazi du Txulue pilota elkarteak. Ohi bezala, egunaren aurretik pilota txapelketa herrikoiak jokatuko dituzte Kontzejupe pilotalekuan .
Antolatzaileek adierazi dute bai txapelketak eta bai egunak "betiko formatua" edukiko dutela aurten ere. Dena den, "berrikuntza batzuk" ere sartuko dituzte egunean egingo diren ekintzetan, eta horren harira, txapelketa berri bat abiatzea erabaki dute. Emakumeen nahiz gizonen binakako pilota txapelketa herrikoiaz gain, banakako pilota txapelketa ere jokatuko dute aurten. Hain justu, azken lehia hori bi koadro eta erdian jokatuko dute.
Hain justu, gaur, ostirala, ireki dute horretarako izen-emate epea. Apirilaren 14ra arteko epea egongo da pilota txapelketetan izena emateko. Horretarako aukera egongo da Tta-kun eta Dean tabernetan.