Plasmaferesi erako odol ateraldia egingo dute datorren astelehenean, hilak 26, Elkarguneko Herriko Plaza aretoan. Hain zuzen, 16:30etik 20:30era bitartean egingo dituzte ateraldi horiek. Plasmaferesi erako ateraldian, emailearen odola aparatu batetik pasatzen dute, eta han odol-plasma odoleko beste osagaietatik banatzen dute. Odol emaileak odola bueltan jasotzen du berriz, baina plasma kenduta. Gainera, odola bueltan jaso ahala gorputzak berehala sortzen du berriro plasma.
Odola atera behar duten herritarrek badute dagoeneko astelehenerako hitzordua. Hamabi lagunek emango dute odola orduan. Aurrerantzean odola ematen hasi nahi duten herritarrek edota informazio gehiago nahi dutenek, berriz, 610 11 21 45 telefono zenbakira deitu dezakete.