Beste urte batez lorez jantzi dute herritarrek Azkoitiko hilerria. Izan ere, Santu Guztien Eguna edo Domu Santu Eguna da gaur, azaroak 1, eta ohiturari jarraituz hainbat izan dira kanposantura hildako senideak zein lagunak bisitatzera joan diren herritarrak. Azken bi urteetan ezohiko moduan egin behar izan dira bisita horiek izurriagatik, baina aurten normaltasuna izan da nagusi, eta jende mordoxka izan da goizean zehar hilobiak txukuntzen eta loreak jartzen.