Azkoitiko Udalaren Berdintasun Sailak emakumeak ahalduntzeko hainbat ikastaro antolatu ditu beste ikasturte batez. Irailetik abendura bitartean, arteterapia, Batukada Feminista, Erditu Ondorengo Ikastaroa, Hitz Ahalduntzen eta Berdintasuna Trikotatzen saioak eskainiko dituzte, eta interesa dutenek gaur dute horietan izena emateko azken eguna.
Dagoeneko martxan dira ikastaro horietako batzuk, eta aste honetan, esaterako, Erditu Ondorengo Ikastaroak saioetako bat egin dute Elkargunean. Bertan, hainbat amak parte hartu zuten beren ume jaioberriekin. Saio horiek astelehenetan izango dira, 18:30etik 20:00etara artean, Elkargunean.
(Argazkia: Azkoitiko Udala)