Abuztuaren 8tik 21era artean itxita egon da Elkargunea, udako oporraldian. Joan den astelehenetik, abuztuaren 22tik, berriro zabalik dago eta bertako zerbitzuak martxa daude erabiltzaileentzat ohiko ordutegian. Hau da, astelehenetik ostiralera 07:00etatik 21:00etara bitartean dago irekita, larunbatetan 09:00etatik 20:00etara eta igandeetan 09:00etatik 14:00etara.
Joan den astelehenetik, Elkarguneko estalitako igerilekura joateko ez da erreserbarik egin edota aldez aurretik ordurik hartu beharko.
Pandemia garaian izan ziren murrizketen ondorioz jarri zuen Azkoitiko Udalak aurrez hitzordua hartzeko sistema, eta horrekin jarraitu ala ez erabakitzeko galdetegia egin zuen Elkarguneko bazkideen artean. Gehiengoa malgutasunaren alde agertu zenez, udalak sistema bertan behera uztea erabaki zuen.