Etzi, zapatua, txirrindularien Martirietako igoera izango da. Bi urteko etenaren ostean, Jokin Ormaetxea elkarteak antolatuta egingo dute proba herrikoia, andremarien atarian.
11:00etan hasiko da lasterketa plazatik, baina abiatu aurretik, neutralizatutako itzuli bat egingo dute txirrindulariek herrian barrena. Behin Txalon Errekara iristean ekingo diote probari; 3,7 kilometroko bidea osatu beharko dute Martirietako plazara iristeko.
Probarako izena zapatuan bertan eman ahal izango da. Plazan izango da horretarako aukera, 10:00etatik aurrera.
