Matadeixek 26. urte bete ditu, eta urtemuga ospatzeko egun beteko egitaraua izan zuten atzo. Giro goxoan egin zituzten ekitaldiak. Eguerdian, jai giroan murgiltzeko poteoa egin zuten, eta segidan, Mataderoaren kanpoaldean elkartu ziren bazkaltzeko, eguraldia lagun. Bazkalondoan, serigrafia tailerra egin zuten, eta eguna bukatzeko Telmo Trenor eta Enki Tonker taldeen kontzertua izan zen.
Matadeixen 26. urtemugari lotuta antolatutako ekintzak uztailaren 30ean bukatuko dituzte. Egun horretarako Borrokan eta Velutine taldeen kontzertua prestatu dute. 22:30ean hasiko da.
