Zein da 'tokan' Azkoitiko hitzaren esanahia?

Maxixatzen.eus 2022ko maiatzaren 13a
Deskargatu Info Ahotsak :

Maxixatzenek, Azkoitiko euskara bultzatzeko asmoarekin, Azkoitiko hitz edo esamolde bat argitaratzen du ostiralero. Joan den astean 'pinttue' hitzaren esanahia erakutsi zuen webgunean. Oraingoan, 'tokan' hitza aukeratu du. Ba al dakizu zein den hitz horren esanahia?

Tokan hitzak besoa bularraren parean lotuta eramatea esan nahi du. Honela erabili ohi da:

  • Azkoitiko hizkeran: "Besue tokan euki du Aiurrek jundaneko bi hilebetin".
  • Euskara batuan: "Besoa bularraren parean lotuta eraman du Aiurrek azken bi hilabeteetan".

Iturria: Azkoittiko euskerie, Aizkibel beka.

Euskara Azkoitia