Borja Zubizarreta mendi lasterkari azkoitiarrak Moncayo Trail Barranco de Horcajuelo mendi lasterketa irabazi du. Añon de Moncayo herrian (Aragoi) jokatu zuten 44. kilometroko proba, eta Aiaramendi Korrikalariak taldeko Zubizarreta izan zen azkarrena, denbora lau ordu, zazpi minutu eta hamalau segundoan geldituta.
Guztira, bost puntutatik igaro behar izan zuten parte hartzaileek helmugara iritsi aurretik: Collado La Estacan zituzten lehen biak, Horcajueloko belardian hirugarrena, Moranan laugarrena eta Cortafuegos gainean bosgarrena. Collado La Estacako lehen puntura izan ezik –bigarrena izan zen orduan–, gainerako guztietara aurrena iritsi zen Zubizarreta. Diego Sorribas sailkatu zen bigarren, Zubizarreta irabazleak egindako denboratik hemezortzi minutu eta 30 segundo eskasera helmugaratuta.