XXI. Talde Talde egitasmoaren hirugarren eta azken emanaldia eskaini dute gaur, igandea, Bizkargi musika eskolako ikasle hainbatek. Kontzejupean elkartu dira hainbat musikari eta abeslari gaztetxo, eta herritarren aurrean hainbat doinu jo eta kantatu dituzte. Zehazki, musika tresna instrumentalen txanda izan da gaurkoan.
Hirugarren emanaldiarekin bukatu da Taldez Talderen aurtengo edizioa. Lehen kontzertua martxoaren 20an eskaini zuten Bizkargi eta Iraurgi abesbatzek, eta bigarren emanaldian, martxoaren 27koan, berriz, euskal musika tresnak izan ziren ardatz.
