Zoriontasunaren Nazioarteko Eguna martxoaren 20an ospatu zen, eta egun hori aitzakiatzat hartuta, Azkoitiko Gurutze Gorriko kideek sentsibilizazio kanpaina berri bat jarri dute martxan. Gaur, ostirala, herriko plazan postua jarri dute herritarrei zoriontasun mezua helarazteko.
Hain zuzen ere, herritarrei galdetu diete zerk sortzen dien zoriontasuna, eta horrekin batera, eskuorri bat ere banatu dute, jendeari "ahal den moduan zoriontsu" izateko adieraziz. Eskuorrian, gainera, hainbat lagunen adierazpenak jaso dituzte. Gaur bezala, datorren ostiralean ere kalera aterako dira Gurutze Gorriko kideak, eta 10:00etatik aurrera plazan izango dira.